Arquivo da categoría: Galego

interior

O MES DA FUNDACIÓN

PROGRAMA ACTOS PÚBLICO EN XERAL

  • SÁBADO 7 OUTUBRO (20:30 horas. Auditorio Casa da Cultura de Cee)

“MULLERES CIENTÍFICAS ESQUECIDAS E SILENCIADAS: O CASO DAS CIENTÍFICAS MARIÑAS”.

CONFERENCIA de MARÍA MERCEDES ÁLVAREZ LIRES (Doutora en Química e Profesora de Didáctica das Ciencias Experimentais da Facultade de Ciencias da Educación e do Deporte da Universidade de Vigo).

  • SÁBADO 14 OUTUBRO (20:30 horas. Auditorio Casa da Cultura de Cee)

“A ZANFONA. A AVENTURA MILENARIA DA MONOCLETA SONORA”.

CONCERTO COMENTADO de ANXO PINTOS (Cofundador de Matto Congrio e Berrogüetto. Presidente da Fundación SondeSeu. Coordinador da sección de zanfonas da Orquestra Folk de Galicia SondeSeu. Profesor de zanfona na Escola de Música Folk e Tradicional de Vigo).

  • SÁBADO 21 OUTUBRO (19 horas. I.E.S. Fernando Blanco)

OFRENDA FLORAL e MISA na honra de D. FERNANDO BLANCO DE LEMA e de tódolos/as mestres/as, alumnos/as e persoal do centro, coa participación de MADRIGALIA G&M.

  • SÁBADO 21 OUTUBRO (20:30 horas. Auditorio Casa da Cultura de Cee)

“COMO AFECTA A NOSA ALIMENTACIÓN AO DESENVOLVEMENTO DO CEREBRO”.

CONFERENCIA de CARLOS SPUCH CALVAR (Doutor en Bioloxía e Investigador Senior do Grupo de Neuroloxía do Instituto de Investigación Sanitaria Galicia Sur).

  • SÁBADO 28 OUTUBRO (20:30 horas. Auditorio Casa da Cultura de Cee)

“NA BUTACA. FANTASÍA Nº 3 EN DOR MAIOR”.

TEATRO. COMPAÑÍA BUTACAZERO. Obra na que se aborda, de maneira poética e optimista, o tema do esquecemento, concretamente o esquecemento como doenza tipo demencia ou alzheimer.

PROGRAMA ACTOS PARA OS CENTROS ESCOLARES DE CEE

  • VENRES 6 OUTUBRO (11:30 horas. I.E.S. Fernando Blanco)

“A IMPORTANCIA DOS PRIMEIROS AUXILIOS. ENTRE TODOS PODEMOS SALVAR VIDAS”.

CONFERENCIA de JESÚS REY FERREIRO (Técnico Emerxencias Sanitarias 061) para alumnos/as da E.S.O. do I.E.S. Agra de Raíces, I.E.S. Fernando Blanco e C.P.R. Manuela Rial.

  • MARTES 10 OUTUBRO (11 horas. Auditorio Casa da Cultura de Cee)

 “ROMARÍA”.

RAQUEL QUEIZÁS. Espectáculo de narración oral sobre as nosas lendas tradicionais para alumnos/as de 5º e 6º de Primaria do C.E.I.P. Eugenio López, C.P.R. Manuela Rial e usuarios/as de ASPADEX.

  • MARTES 17 OUTUBRO (11 horas. Auditorio Casa da Cultura de Cee)

 “O GAITEIRO BUCÓLICO”.

SIMÓN PIÑÓN – YÁZABRO.

Espectáculo de teatro a  modo de concerto didáctico para alumnos/as de 3º e 4º de Primaria do C.E.I.P. Eugenio López, C.P.R. Manuela Rial e usuarios/as de ASPADEX.

  • MARTES 24 OUTUBRO (11 horas. Auditorio Casa da Cultura Cee)

“BOU CATRINETA”.

INACIO VILARIÑO.

Sesión de narración oral con refráns, contos populares e romances para alumnos/as de infantil, 1º e 2º de Primaria do C.E.I.P. Eugenio López, C.P.R. Manuela Rial, C.E.I.P. A Igrexa de Brens, E.E.I. Pereiriña e usuarios/as de ASPADEX.

  • VENRES 27 OUTUBRO (11:30 e 12:30 horas. I.E.S. Fernando Blanco)

“TEATRO E MEMORIA. OBRADOIRO PARA ESPECTADORES”.

Unha proposta da COMPAÑÍA BUTACAZERO, coa colaboración de TEATRO de NINGURES e AGADEA, impartida polas actrices PEPA BARREIRO e ESTHER F. CARRODEGUAS, e dirixida a alumnos/as de Bacharelato do I.E.S. Agra de Raíces e do I.E.S. Fernando Blanco.

 

 

PATRIMONIO PROVINCIAL

PREME NO PDF PARA CONSULTAR HORARIOS

No seguinte pdf podedes consultar o horario de atención ao público dos distintos museos e centros de interpretación que conforman o patrimonio da Deputación Provincial da Coruña.

 

DSC_0157

CONCURSOS 2017

ACTO DE ENTREGA DOS PREMIOS DO IV CONCURSO DE DEBUXOS E DO V CONCURSO DE RELATOS CURTOS DA FUNDACIÓN FERNANDO BLANCO DE LEMA DE CEE.

O sábado 8 de xullo, ás 10 horas, tivo lugar no Museo Fernando Blanco de Cee, o acto de entrega dos premios do IV Concurso de Debuxos e do V Concurso de Relatos Curtos, organizados pola entidade ceense, e que contan, un ano máis, coa colaboración da Deputación da Coruña e da Estación de Servizo Bazarra de Cee.

Os premios foron entregados polos membros do Padroado da Fundación, así como por D. Julio López, Xerente da Estación de Servizo Bazarra.

Entregáronse un total de 12 premios nas distintas categorías dos dous concursos, valorados en 690 €.

A relación de premiados, por categorías, quedou así, tralo fallo emitido polo xurado composto por Darío Areas, Coordinador do Museo, Víctor Castiñeira, Técnico de Cultura do Concello de Cee, e José Ramón Rey, Técnico da Biblioteca Francisco Mayán.

CATEGORÍA “A” IV CONCURSO DE DEBUXOS (1º e 2º de Primaria)

  • 3º Premio da Categoría A, consistente en material didáctico valorado en 30 € e máis diploma, para LUCÍA CAAMAÑO CESPÓN do CPR MANUELA RIAL MOUZO (CEE).
  • 2º Premio da Categoría A, consistente en material didáctico valorado en 40 € máis diploma, para JONATHN LÓPEZ PÉREZ do CEIP O AREAL (CAMARIÑAS).
  • 1º Premio da Categoría A, consistente en material didáctico valorado en 50 € máis diploma, para PABLO ALEJANDRO PÉREZ DE OLIVEIRA do CPR MANUELA RIAL MOUZO (CEE).

CATEGORÍA “B” IV CONCURSO DE DEBUXOS (3º e 4º de Primaria)

  • 3º Premio da Categoría B, consistente en material didáctico valorado en 30 € máis diploma, para ALBA MOURELLE COSTA do CEIP LABARTA POSE (BAIO).
  • 2º Premio da Categoría B, consistente en material didáctico valorado en 40 € máis diploma, para ALEJANDRO FERRÍO AYALA do CPR MANUELA RIAL MOUZO (CEE).
  • 1º Premio da Categoría B, consistente en material didáctico valorado en 50 € máis diploma, para MIGUEL BARRÚL IGLESIAS do CEIP VÍCTOR SÁENZ (MAZARICOS).

CATEGORÍA “A” V CONCURSO DE RELATOS (5º e 6º de Primaria)

  • 3º Premio da Categoría A, valorado en 50 € máis diploma, para MARINA CALO BUJEIRO do CEIP EUGENIO LÓPEZ (CEE).
  • 2º Premio da Categoría A, valorado en 75 € máis diploma, para YAGO REGUEIRA BUGLLO do CEIP LABARTA POSE (BAIO).
  • 1º Premio da Categoría A, valorado en 100 € máis diploma, para YAIZA OTERO CAAMAÑO do CEIP SANTA EULALIA (DUMBRÍA).

CATEGORÍA “B” V CONCURSO DE RELATOS (1º, 2º, 3º e 4º ESO)

  • 3º Premio da Categoría B, valorado en 50 € máis diploma, para ARIDIA LEMA COSTA do CPR MANUELA RIAL MOUZO (CEE).
  • 2º Premio da Categoría B, valorado en 75 € máis diploma, para NOA LEMA RIAL do IES MAXIMINO ROMERO DE LEMA (BAIO).
  • 1º Premio da Categoría B, valorado en 100 € máis diploma, para PAULA PÉREZ TRILLO do IES FERNNDO BLANCO (CEE).

DSC_0003

PREMIOS ACADÉMICOS 2016-2017

Fermosa e motiva mañá de venres (20 de outubro) a desenvolvida no salón de actos do IES Fernando Blanco, con motivo da entrega dos VI Premios Académicos “Fernando Blanco” correspondentes ao curso 2016-2017, os cales están organizados conxuntamente pola Fundación Fernando Blanco de Lema (patrocinada por FerroAtlántica e polo Concello de Cee) e o IES Fernando Blanco de Cee, e que contan coa colaboración da Deputación da Coruña e de varias firmas comerciais (Estación de Servizo Bazarra, Abanca, Grupo Santitel, Centro Comercial Finisterrae, Roberto G. Rigaut S.L., Compucee, Fersi Papelería, Ler Librerías, Aurora Sport, Cabo Sport, Seguros Costa da Morte e Parques e Xardíns Manuel García).

Con estes Premios Académicos, tanto a Fundación como o Instituto ceense, tratan, por un lado de recoñecer o esforzo, traballo, dedicación e aptitudes dos alumnos e alumnas, así como, ao mesmo tempo, recuperar una tradición histórica da Fundación Fernando Blanco, posto que no Capítulo XV do Regulamento do Colexio-Instituto, publicado en 1886, establecíase que en cada materia impartida no centro, outorgaríase un premio extraordinario, un premio ordinario e unha mención honorífica por cada 20 alumnos/as. Ademáis, sinalábase nese mesmo Capítulo, que para poder optar a eles, era condición indispensable que os alumnos/as que o solicitasen obtiveran a calificación de sobresaínte nos exames ordinarios. Para elo, constituíase un tribunal composto de tres profesores que eran os encargados de decidir que alumnos/as eran merecedores das recompensas académicas.

Os Premios Académicos “Fernando Blanco” están destinadas a agasallar aos mellores expedientes académicos de distintos cursos impartidos no centenario instituto ceense.

As notas dos premiados/as desta edición oscilaron entre o 8,50 e o 9,64. De feito, era requisito imprescindible para optar a ditos Premios, ter tódalas asignaturas aprobadas en xuño, cunha nota media mínima de 8,5, así como matricularse no curso seguinte no IES Fernando Blanco de Cee.

Cada un dos Premios está valorado en 500 € (220 € en metálico e 280 € en vales de compra doados polos establecementos colaboradores).

Os premiados nesta quinta edición dos Premios Académicos “Fernando Blanco” foron:

  • ANA BLANCO LAGO (3º ESO)
  • CARMEN RAMÓN fERNÁNDEZ (1º BACHARELATO)
  • ELISA LEMA GÓMEZ (1º BACHARELATO)
  • LUCAS TRILLO MARCOTE (1º CICLO MEDIO – ELECTROMECÁNICA)
  • Mª PILAR MOUZO DOMÍNGUEZ (1º CICLO SUPERIOR – ADMINISTRACIÓN E FINANZAS)

    Alumnado premiado VI Premios Académicos Fernando Blanco Curso 2016-2017

    Alumnado premiado VI Premios Académicos Fernando Blanco Curso 2016-2017

locomotora sistema crampton - copia

TESOUROS

Nesta sección denominada “Tesouros” amosamos unha selección de pezas do rico patrimonio que se conserva no Museo da Fundación Fernando Blanco, patrimonio que funde maioritariamente as súas raíces a finais do século XIX, pouco despois da inauguración do Colexio-Instituto no 1886.
Todos os fondos teñen un nexo de unión: a nostalxia e a lembranza dun centro innovador e pioneiro en materia educativa e cultural, así como tamén a añoranza dunha institución que marcaría o devir de Cee e da comarca.
A mellor forma de coñecelos, sen dúbida, é acercándote polo noso museo onde estaremos encantados de recibir a túa visita.