O Programa Educativo-Cultural “O Mes da Fundación”, que neste ano 2025 conta coa colaboración da Deputación Provincial da Coruña, da Consellería de Cultura, Lingua e Xuventude da Xunta de Galicia e de Xeal, estructúrase en dúas seccións que discorren paralelas. Unha sección destinada a tódolos centros escolares de Cee e a tódolos niveis educativos que neles impártense, e un apartado dirixido ao público en xeral. Na sección educativa, centrada no alumnado dos centros escolares de Cee, contamos con contacontos, música, obradoiros ou conferencias, desenvolvéndose no Auditorio Baldomero Cores da Casa da Cultura de Cee, recinto de grande aforo e que se enche na súa totalidade. Na sección cultural, destinada ao público en xeral, contamos con música, teatro ou conferencias desenvolvidas por figuras de primeiro nivel nos seus respectivos ámbitos de traballo. Ao longo das súas edicións pasaron por esta sección os doutores Ángel Carracedo, Francisco Blanco, Alfonso Mariño ou Carlos Spuch; o neurofisiólogo e divulgador científico Xurxo Mariño; o divulgador e investigador arqueolóxico Manuel Gago; figuras da música da talla de Xavier Díaz, Davide Salvado, Anxo Pintos, Sés ou Fernando Fraga; o investigador musical Pablo Carpintero; figuras do teatro como Cándido Pazó, Quico Cadaval, Celso Fernández Sanmartín o Paula Carballeira; escritores como Xosé Neira Vilas, Concha Blanco, etc.